Կատարը վերականգնել է թռիչքները դեպի Իրան

1300

Երեքշաբթի, 16 ապրիլի, 2024 թ., 20:30

Qatar Airways-ը հայտարարել է, որ վերսկսել է թռիչքները դեպի Իրան: Դրանք դադարեցվել էին Իսրայելի դեմ Իրանի Իսլամական Հանրապետության «Ճշմարիտ խոստում» գործողության պատճառով՝ ի պատասխան Դամասկոսում Իրանի հյուպատոսության վրա հարձակման։
Այն բանից հետո, երբ Իրանը հրթիռներով և անօդաչու սարքերով պատասխանեց Իսրայելի գործողություններին, որոշ երկրներ, այդ թվում՝ Կատարը, դադարեցրին իրենց թռիչքները դեպի Իրան։ Որոշ հարևան երկրներ, որոնք փակել են իրենց օդային տարածքը «Ճշմարիտ խոստում» գործողության ընթացքում, նույնպես բացել են այն: