Արդյո՞ք Կոնդն արժեք ունի. ցուցադրություն` նվիրված Կոնդին

Ալ. Թամանյանի անվան ճարտարապետության ազգային թանգարան-ինստիտուտում բացվել է ցուցահանդես, որը նվիրված է Կոնդ թաղամասին:

Այս ցուցադրությունը Կոնդ թաղամասի՝ մեկ տարվա բազմամասնագիտական ուսումնասիրության արդյունքն է: Այս ցուցադրությամբ փորձ է արվում պատասխանել արդյո՞ք Կոնդն արժեք ունի հարցին, և եթե ունի, ապա ո՞րն է դա, և արդյո՞ք Երևանի պատմական կառուցապատումն ունի ապագա:

Ինչպես նշում են ցուցահանդեսի կազմակերպիչները, այս ցուցադրությամբ ցանկություն կա գրավել ինչպես հանրության լայն շրջանակի, այնպես էլ, հատկապես նրանց ուշադրությունը, որոնցից կախված է Երևանի ճակատագիրը։

«Կոնդ թաղամասի ճակատագրի մասին որոշումը կարող է շրջադարձային լինել Հայաստանի քաղաքաշինական ապագայի համար։ Կոնդ թաղամասի շենքերի քանդումը միայն մեկ բան կարող է նշանակել՝ մենք համաձայն ենք, որ սա մեր պատմությունը չէ, և մենք պատրաստ ենք անխնա բաժանվել դրանից»,- նշում են կազմակերպիչները։

Ցուցահանդեսում ներկայացված են Հին Կոնդի լուսանկարներ, չափագրություններ, հատակագծեր, վերականգնման նախագծեր:

Ցուցադրությունը կգործի մինչև մայիսի 10-ը: