Երեքշաբթի, 08 սեպտեմբերի, 2026 թ.
|
Ստեփանակերտում`   +15 °C

Բլինքենը Փաշինյանի հետ հեռախոսազրույցից հետո զանգել է Ալիևին

Բլինքենը Փաշինյանի հետ հեռախոսազրույցից հետո զանգել է Ալիևին
1679
Երկուշաբթի, 29 ապրիլի, 2024 թ., 09:24

ԱՄՆ պետքարտուղար Էնթոնի Բլինքենն Ադրբեջանի նախագահ Իլհամ Ալիևի հետ հեռախոսազրույցի ընթացքում շնորհակալություն է հայտնել վերջերս արված հայտարարության համար, որ Հայաստանն ու Ադրբեջանը համաձայնել են որպես սահմանների հաստատման հիմք օգտագործել 1991թ. Ալմա Աթայի հռչակագիրը՝ նշելով դրա կարևորությունը երկու երկրների միջև կայուն և արժանապատիվ խաղաղություն կնքելու համար։ Այս մասին ասվում է Պետդեպարտամենտի կայքում տեղակայված հաղորդագրության մեջ։

Բլինքենն Ալիևին կոչ է արել շարունակել երկխոսությունը Հայաստանի վարչապետ Նիկոլ Փաշինյանի հետ՝ հաստատելով այդ ջանքերին աջակցելու ԱՄՆ-ի պատրաստակամությունը։ Նա նաև նշել է Վաշինգթոնի ձգտումը՝ համագործակցելու էներգետիկայի, կլիմայի և կապի ոլորտներում։

Բացի այդ, Բլինքենը կրկին դիմել է Ադրբեջանին՝ կոչ անելով պահպանել մարդու իրավունքների ոլորտում միջազգային պարտավորություններն ու ազատ արձակել առանց հիմքերի ձերբակալված անձանց։

Հիշեցնենք, որ Բլինքենն ավելի վաղ հեռախոսազրույց է ունեցել Փաշինյանի հետ։

Կարդացե՛ք նաև