Նիկոլ Փաշինյանի և Վլադիմիր Պուտինի առանձնազրույցն ավարտվել է

502

Հինգշաբթի, 09 մայիսի, 2024 թ., 01:24

Հայաստանի վարչապետ Նիկոլ Փաշինյանի և ՌԴ նախագահ Վլադիմիր Պուտինի առանձնազրույցն ավարտվել է, հայտնում է «ՌԻԱ Նովոստի»-ն։

Բանակցությունները տևել են մեկ ժամից մի փոքր ավելի։

«Ռուսաստանի և Հայաստանի միջև ապրանքաշրջանառությունը գերազանցել է 7 միլիարդ դոլարը, սա ռեկորդային ցուցանիշ է: Նման ծավալ մեր առևտրատնտեսական հարաբերություններում նախկինում չի եղել»,- այս մասին հանդիպման ժամանակ Հայաստանի վարչապետ Նիկոլ Փաշինյանին ասել է Ռուսաստանի նախագահ Վլադիմիր Պուտինը:

Իր հերթին ՀՀ վարչապետը նշել է. «Շնորհակալություն հարգելի Վլադիմիր Վլադիմիրի: Առաջին հերթին թույլ տվեք շնորհակալություն հայտնել ջերմ հյուրընկալության և Եվրասիական տնտեսական բարձրագույն խորհրդի նիստը բարձր մակարդակով կազմակերպելու համար: Վերջին անգամ մենք հանդիպել ենք դեկտեմբերին, այս ընթացքում, իհարկե, կուտակվել են հարցեր, որոնք պետք է քննարկել: Իհարկե, տնտեսական հատվածն արդեն քննարկել ենք նիստի ընթացքում, և վստահ եմ, որ այժմ կքննարկենք երկկողմ հարաբերությունների կարևորագույն հարցերը, տարածաշրջանային հարցերը»: