«Վաշինգթոնը կդադարեցնի զենքի մատակարարումը, եթե Իսրայելը գործողություն սկսի Ռաֆահում»․ Բայդեն

2113

Հինգշաբթի, 09 մայիսի, 2024 թ., 10:48

ԱՄՆ-ն կդադարեցնի Իսրայելին զենքի որոշ տեսակների տրամադրումը, եթե վարչապետ Բենիամին Նեթանյահուն հրաման տա Գազայի հարավում գտնվող Ռաֆահ քաղաք ներխուժելու մասին։ Այս մասին CNN-ին տված հարցազրույցում ասել է ԱՄՆ նախագահ Ջո Բայդենը։

«Ես հասկացրել եմ, որ եթե նրանք մտնեն Ռաֆահ, մենք չենք մատակարարի այն զենքերը, որոնք նրանք օգտագործել են քաղաքների դեմ»,- ասել է Բայդենը։

Նրա խոսքով՝ իսրայելական զորքերը «դեռ չեն հատել կարմիր գծերը» և չեն մտել խիտ բնակեցված շրջաններ և առայժմ գտնվում են սահմանին:

ԱՄՆ նախագահի կարծիքով՝ Ռաֆահում լայնածավալ գործողություն իրականացնելը սխալ է։