Ադրբեջանը հիմնահատակ ոչնչացրել է Բերձորի Սբ. Համբարձում եկեղեցին

16088

Շաբաթ, 11 մայիսի, 2024 թ., 21:54

«Հայկական ճարտարապետությունն ուսումնասիրող» հիմնադրամի ղեկավարներից Րաֆֆի Քորթոշյանը ֆեյսբուքյան գրառմամբ տեղեկացրել է, որ Ադրբեջանը հիմնահատակ ոչնչացրել է Բերձորի Սբ. Համբարձում եկեղեցին․ «Արբանյակային վերջին լուսանկարներից պարզվում է, որ Ադրբեջանի ցեղասպան և մշակութակործան վարչախումբը հիմնահատակ ոչնչացրել է Բերձորի Սբ. Համբարձում եկեղեցին։
Եկեղեցու հիմքը դրվել էր 1996 թ.: Գմբեթավոր հորինվածքով, սրբատաշ բազալտից կառուցված եկեղեցու կառուցումն ավարտվել էր երկու տարի անց և օծվել՝ 1998 թ. մայիսի 31-ին»։