Չորեքշաբթի, 19 հունիսի, 2024 թ.
|
Ստեփանակերտում`   +24 °C

Աղավնոյի Սրբոց Նահատակաց եկեղեցին ոչնչացման վտանգի տակ է

Աղավնոյի Սրբոց Նահատակաց եկեղեցին ոչնչացման վտանգի տակ է
797
Ուրբաթ, 17 մայիսի, 2024 թ., 11:18

Աղավնո բնակավայրի Սրբոց Նահատակաց եկեղեցին, որը կառուցվել էր 2002 թվականին, ներկայումս ոչնչացման վտանգի տակ է։ Այս մասին հայտնում է Արցախի մշակութային ժառանգության մշտադիտարկում իրականացնող monumentwatch կայքը։ Ադրբեջանական սոցիալական ցանցերի դիտարկումը ցույց է տալիս, որ եկեղեցին, ինչպես որ Բերձորի Սուրբ Համբարձումն էր, ամբողջությամբ ներառված է տախտակամածների և ծածկերի մեջ։ Հաշվի առնելով Բերձորի եկեղեցու նախադեպը, նույն ճակատագիրը սպառնում է նաև Աղավնոյի եկեղեցուն:
Հիշեցնենք, որ 2024 թվականի ապրիլ ամսվա արբանյակային լուսանկարների դիտարկումը բացահայտել էր, որ ադրբեջանական կողմը հիմնահատակ ավերել էր Բերձոր քաղաքի Սբ. Համբարձման եկեղեցին։