Ռուսաստանը ցանկանում է մոտ ապագայում գլխավոր հյուպատոսություն բացել Ստեփանակերտում

3661

Երկուշաբթի, 27 մայիսի, 2024 թ., 21:48

ՌԴ Դաշնային խորհուրդը հայտնել է, որ շուտով կսկսվեն Ստեփանակերտում (ռուսական գերատեսչությունը կիրառում է Արցախի մայրաքաղաքի անվան ադրբեջանական Խանքենդի տարբերակը) Ռուսաստանի գլխավոր հյուպատոսության բացման նախապատրաստական աշխատանքները:
Ռուսաստանը հույս է կապում Ադրբեջանի աջակցության վրա՝ Ստեփանակերտում Ռուսաստանի գլխավոր հյուպատոսության բացման նախապատրաստական աշխատանքներին աջակցելու առումով, որը կսկսվի մոտ ապագայում։ Այդ մասին հայտարարել է Դաշնային խորհրդի միջազգային հարաբերությունների հանձնաժողովի ղեկավար Գրիգորի Կարասինը Ադրբեջանի Միլլի Մեջլիսի (Խորհրդարանի) պատվիրակության հետհանդիպման ժամանակ:

«Մեր երկկողմանի խնդիրներից կնշեի Խանքենդիում գլխավոր հյուպատոսության բացումը, մենք նախատեսում ենք դրա համար նախապատրաստական աշխատանքներ սկսել մոտ ապագայում»,- հանդիպման ժամանակ ասել է սենատորը՝ դիմելով ադրբեջանցի գործընկերներին։

Նրա խոսքով՝ իդեալական կլիներ այս գլխավոր հյուպատոսությունը բացել 2024 թվականին։ «Սա թույլ կտա մեզ վերացնել փոխադարձ հյուպատոսական ներկայության անհավասարությունը»,- հավելել է Կարասինը: