Շաբաթ, 15 հունիսի, 2024 թ.
|
Ստեփանակերտում`   +20 °C

«Ադրբեջանական մամուլում Փաշինյանին խորհուրդ են տալիս գնալ կոշտ մեթոդների»․ Տաթևիկ Հայրապետյան

«Ադրբեջանական մամուլում Փաշինյանին խորհուրդ են տալիս գնալ կոշտ մեթոդների»․ Տաթևիկ Հայրապետյան
585
Երեքշաբթի, 28 մայիսի, 2024 թ., 16:24

Ադրբեջանագետ Տաթևիկ Հայրապետյանը թելեգրամյան իր ալիքում գրում է․ «Ադրբեջանական կողմը շարունակում է բազմաթիվ քարոզչական հրապարակումներ անել՝ Բագրատ Սրբազանի գլխավորած շարժման աջակիցներին կոչելով «կրեմլի ագենտներ» և «ռևանշիստներ»։
Միևնույն ժամանակ ադրբեջանական մամուլում քիչ չեն կոչերը, որոնցով Փաշինյանին խորհուրդ են տալիս գնալ կոշտ մեթոդների, ակնհայտ է, որ Փաշինյանը թե՛ ինքն իրեն, թե՛ Հայաստանն առհասարակ դրել է շատ վտանգավոր թակարդի մեջ։
Այս քարոզչական տեսանյութում ադրբեջանական կողմը ևս մեկ անգամ խոսում է այն մասին, որ այսպես կոչված «խաղաղության» իրենց գործընկերը բացառապես Փաշինյանն է, քանի որ հենց Փաշինյանն է ընդունել՝ Բաքվի կամքով, առանց միջնորդների ու տրամաբանության մեր պետության սահմանները ձևախեղելու, ինչպես նաև պատերազմի ու պատերազմի սպառնալիքի ներքո զիջումների գնալու քաղաքականությունը՝ որպես ճշմարիտ ուղի։ Փաշինյանը զիջում է մեր կենսական իրավունքները՝ դրանով իսկ բացառիկ դառնալով Ալիևի համար, քանի որ Ալիևը հոյակապ գիտի, որ իրավունքի տերը մենք ենք»։