«Բայդենը և Զելենսկին Եվրոպայում 2 հանդիպում կանցկացնեն»․ Սպիտակ տուն

1171

Չորեքշաբթի, 05 հունիսի, 2024 թ., 11:06

ԱՄՆ նախագահ Ջո Բայդենը կարող է 2 հանդիպում անցկացնել Ուկրաինայի նախագահ Վլադիմիր Զելենսկու հետ Ֆրանսիայում և Իտալիայում։ Այս մասին հայտարարել է ԱՄՆ նախագահի՝ ազգային անվտանգության հարցերով օգնական Ջեյք Սալիվանը, գրում է CNN-ը։

Սալիվանի խոսքով՝ Բայդենը հնարավորություն կունենա հանդիպել Զելենսկու հետ Նորմանդիայում, որտեղ կքննարկեն Ուկրաինայում տիրող իրավիճակը և ԱՄՆ-ի կողմից Կիևին հետագա աջակցությունը։ Ապա մի քանի օր անց նրանք կհանդիպեն Իտալիայում՝ G7 գագաթնաժողովի շրջանակներում, հավելել է Սալիվանը:

Ավելի վաղ Սպիտակ տունը հաստատել էր, որ Բայդենը Ֆրանսիայում կլինի հունիսի 5-ից 9-ը: