Վրաստանն արտաքսել է ավելի քան 40 օտարերկրացիների, այդ թվում՝ հայերի

1062

Չորեքշաբթի, 05 հունիսի, 2024 թ., 16:06

Ապրիլին ու մայիսին Վրաստանի ներքին գործերի նախարարությունը երկրից արտաքսել է 42 մարդու՝ միգրացիոն օրենսդրության խախտման համար։ Այս մասին հայտնել է Վրաստանի ՆԳՆ-ն։

Հաղորդագրության մեջ նշվում է, որ Վրաստանի ՆԳՆ-ն վերջին 2 ամսում ձերբակալել է 42 քաղաքացու։ Նրանց մի մասը երկրից հեռացել է ինքնակամ, մի մասն էլ՝ հարկադրաբար։ Արտաքսվածների թվում են Հայաստանի, Իրաքի, Իրանի, Ալժիրի, Պակիստանի, Ռուսաստանի, Հորդանանի, Եգիպտոսի և այլ երկրների քաղաքացիներ։

Նշվում է, որ արտաքսվել են Ադրբեջանի 8 անչափահաս քաղաքացիներ, որոնք Վրաստան են ժամանել առանց օրինական հիմքերի։