Շաբաթ, 20 հուլիսի, 2024 թ.
|
Ստեփանակերտում`   +27 °C

Մեկնարկել են Եվրոխորհրդարանի ընտրությունները

Մեկնարկել են Եվրոխորհրդարանի ընտրությունները
997
Հինգշաբթի, 06 հունիսի, 2024 թ., 09:24

Այսօր՝ հունիսի 6-ին, մեկնարկել է Եվրոխորհրդարանի ընտրությունների 4-օրյա մարաթոնը, որը սահմանում է առաջիկա 5 տարում ԵՄ քաղաքականությունը, հաղորդում է Euronews-ը։

Քվեարկությունը տեղի կունենա ԵՄ բոլոր 27 երկրներում, որտեղ ընտրելու իրավունք ունի շուրջ 373 մլն մարդ:

Քվեարկությունը կավարտվի կիրակի երեկոյան, երբ կհայտնվեն առաջին նախնական արդյունքները: Եվրոխորհրդարանում 720 տեղի հավակնում են մոտ 200 եվրոպական կուսակցությունների ներկայացուցիչներ։ Ընտրված պատգամավորները Եվրոխորհրդարանի նոր կազմում առաջին լիագումար նստաշրջանը կանցկացնեն հուլիսի կեսերին: Հունիսի 6-9-ն անցկացվող ընտրությունները մարտահրավեր կդառնան Եվրոհանձնաժողովի ապագա նախագահի պաշտոնի գլխավոր թեկնածու Ուրսուլա ֆոն դեր Լեյենի համար, ում վերընտրվելու համար անհրաժեշտ է հավաքել 720 պատգամավորներից առնվազն 361-ի ձայները, ապա՝ ստանալ ԵՄ երկրների ղեկավարների հավանությունը։