ԵՄ-ն մտադիր է սկսել Ուկրաինայի անդամակցության հարցի քննարկումը․ #FT

1414

Ուրբաթ, 07 հունիսի, 2024 թ., 11:18

Եվրոհանձնաժողովը խորհուրդ կտա ԵՄ-ին՝ հունիսին բանակցություններ սկսել Ուկրաինայի անդամակցության շուրջ, գրում է Financial Times-ը:

Թերթի տվյալներով՝ Եվրոհանձնաժողովը մտադիր է այդ կերպ աջակցել Կիևին՝ նախքան ԵՄ-ում Հունգարիայի նախագահության մեկնարկը։ Հունիսի 7-ին, ինչպես ակնկալվում է, Եվրոհանձնաժողովը կհայտարարի, որ Ուկրաինան համապատասխանում է ԵՄ անդամակցության համար անհրաժեշտ չափանիշներին, ներառյալ՝ հակակոռուպցիոն միջոցառումները, քաղաքական լոբբինգի սահմանափակումները, պետական ծառայողների ակտիվների հայտարարագրման կանոնները և ազգային փոքրամասնությունների կողմից օգտագործվող լեզուների պաշտպանությունը, նշել են աղբյուրները: