Ալիևը կոչ է արել ստեղծել ինքնիշխան Պաղեստին

Ադրբեջանի դիրքորոշումը հստակ է՝ պետք է ստեղծվի անկախ Պաղեստին պետություն, Արևելյան Երուսաղեմը պետք է լինի նրա մայրաքաղաքը։ Այդ մասին հունիսի 8-ին Կահիրեում հայտարարել է Ադրբեջանի նախագահ Իլհամ Ալիևը՝ Եգիպտոսի նախագահ Աբդել Ֆաթթահ ալ Սիսիի հետ համատեղ մամուլի ասուլիսի ընթացքում։
«Անհրաժեշտ է, որքան հնարավոր է շուտ, դադարեցնել Գազայի այսօրվա ողբերգությունը, դադարեցնել պատերազմը, և բոլոր հարցերը պետք է լուծվեն բանակցությունների միջոցով։ Ես նախագահ Էլ Սիսիին ասացի, որ մենք աջակցում ենք Եգիպտոսի ջանքերին այս ոլորտում, և Եգիպտոսի կողմից առաջ քաշված նախաձեռնությունները պետք է հաշվի առնվեն»: