«Փողոցային պարեկների լկտի կեցվածքը»․ Թաթուլ Հակոբյան

Լրագրող Թաթուլ Հակոբյանի գրառումը․ «Կեսգիշերին ավագ որդիս մեր Նիսսան Մարչ մեքենայով եկել էր ինձ դիմավորելու օդանավակայանում և Զվարթնոցից հասցնելու տուն:
Ճանապարհին՝ Իսակովի պողոտայի վրա, ամերիկյան դեսպանատան դիմացի հատվածում, նրան կանգնեցրել են երկու լկտի պարեկներ՝ իբր խախտում թույլ տալու համար:
Նախապես ասեմ, որ խախտում չեն գտել, արձանագրություն չեն կազմել:
Երբ որդիս հարցրել է, թե ինչու են կանգնեցրել, պարեկները, որոնցից մեկը եղել է սև հագուստով, սպառնալիքներ է հնչեցրել, հավաքել տղայիս «դոշերը», իսկ պարեկային համազգեստով գործընկերոջը հրահանգել, որ մեքենան տանի տուգանային հրապարակ: Պարեկը անգամ նստել է մեքենան և փորձել այն տանել տուգանային հրապարակ, բայց չի կարողացել գործի գցել մեքենան:
Կրկնեմ, որևէ խախտում չեն գտել... Բնական է, որ մեքենան տուգանային չեն տարել:
Ակնհայտորեն, այս պարեկները, որոնց մեքենան որդիս չի արձանագրել, դրսևորել են լկտի կեցվածք, իսկ այս գրությամբ ՀՀ Ոստիկանության ուշադրությունն եմ հրավիրում քաղաքացիներին կեսգիշերային տեռորի ենթարկելու դատապարտելի արարքը:
Հարկատուներիս հաշվին մեզ իսկ ահաբեկելու այս փորձը պահելու եմ ուշադրության կենտրոնում:
Ավելին, ՀՀ Ոստիկանապետ Վահե Ղազարյանից խնդրում և պահանջում եմ հայտնաբերել այդ պարեկներին:
Դեպքը տեղի է ունեցել հունիսի 8-ին, երեկոյան 11:30-ից 12:00 հատվածում:
Առայժմ այսքանը:
Հետագայի մասին կտեղեկացնեմ»։