«Կեչրորի բերդը կամ Արտագերս ամրոց». Խաժակ Սիրեկանյան

Պատմական նյութերի ուսումնասիրող Խաժակ Սիրեկանյանը ֆեյսբուքյան իր էջում գրել է. «Կեչրորի բերդը կամ Արտագերս ամրոց
Գտնվում է պատմական Մեծ Հայքի Արշարունիք գավառում, իսկ ներկայումս Կարսի մարզի Կաղզվանի գավառում, որտեղ հիմա քրդական Թունջքայա գյուղն է:
Ժամանակին այն պատկանել է Կամսարականներին, Մամիկոնյաններին, Բագրատունիներին:
Տեսակետ կա, որ այն մեր պատմական Արտագերս ամրոցն է: Արշակ 2-րդ արքայի բանտարկվելուց հետո այստեղ էր պահվում արքունի գանձարանը, իսկ 368-369 թթ, շուրջ մեկ տարի շարունակ Փառանձեմ թագուհին դիմադրել է թշնամուն:
Մի այլ տեսակետի համաձայն էլ, սա Կապույտ բերդն է, որն իր անունը ստացել է Արաքսի ձախակողմյան վտակի անունից:
Զարմանալի է, որ թուրքական աղբյուրներում ևս կոչվում է Արտագերս»: