Մեքքա ուխտագնացության ժամանակ շոգից ավելի քան 500 ուխտավոր է մահացել

2251

Չորեքշաբթի, 19 հունիսի, 2024 թ., 11:18

Սաուդյան Արաբիայում առնվազն 550 մարդ է մահացել Մեքքա սրբազան քաղաք ուխտագնացության ժամանակ, հաղորդում է AFP-ն։ Պատճառը սաստիկ շոգն է եղել։ Երեքշաբթի տարածաշրջանում ջերմաստիճանը գերազանցել է 50 աստիճանը:

Սաուդցի դիվանագետները բացատրել են՝ մահերի պատճառն այն է, որ հսկայական թվով ուխտավորներ չեն գրանցվել, և նրանց ժամանումը քաոս է առաջացրել հավատացյալների օգնության ճամբարում։ Սաուդցի դիվանագետները հստակեցրել են նաև, որ զոհերից առնվազն 323-ը ժամանել էին Եգիպտոսից։