Պուտինը Կիմ Չեն Ընին ավտոմեքենա, դաշույն և սպասք է նվիրել

Ռուսաստանի նախագահ Վլադիմիր Պուտինը Հյուսիսային Կորեայի առաջնորդ Կիմ Չեն Ընին նոր Aurus ավտոմեքենա, ծովակալի դաշույն և թեյի սպասք է նվիրել։ Այս մասին, ТАСС-ի հաղորդմամբ, հայտարարել է ՌԴ նախագահի օգնական Յուրի Ուշակովը։

«Մենք Aurus ավտոմեքենա ենք նվիրել։ Բացի այդ, ծովակալի դաշույն և շատ գեղեցիկ թեյի սպասք»,- ասել է Ուշակովը։ Նա չի հստակեցրել, թե կոնկրետ ինչ նվերներ է ստացել Պուտինը, սակայն նշել է, որ դրանք կապ ունեն Պուտինի «պատկերի» հետ, ներառյալ՝ կիսանդրիներ։