55 ցմահ ազատազրկում` ***-ակումբում սպանությունների համար

2326

Չորեքշաբթի, 19 հունիսի, 2024 թ., 22:30

2022 թվականին Քոլորադո Սփրինգսում սեռական փոքրամասնությունների ակումբում հինգ մարդու սպանության գործով դատավարության ժամանակ Դենվերի դաշնային դատավորը մեղադրյալ Անդերսոն Լի Օլդրիչին դատապարտել է 55 ցմահ ազատազրկման՝ առանց պայմանական վաղաժամկետ ազատման հնարավորության: Այս մասին հայտնում է Deutsche Welle-ն։
24-ամյա Օլդրիչն, ով իրեն համարում է ոչ բինար անձ, իրեն մեղավոր է ճանաչել 74 մեղադրանքներից յուրաքանչյուրում, ներառյալ՝ ատելության և զենքի հետ կապված հանցագործությունները: Մեղադրող կողմի հետ գործարքը թույլ է տվել հանցագործին խուսափել մահապատժից, նշում է լրատվամիջոցը։

Փաստաբանը նշել է, որ իր պաշտպանյալը բազմաթիվ հոգեկան վնասվածքներ է ստացել, որոնք նպաստել են հանցագործության կատարմանը, սակայն դա չի բացատրել և չի հիմնավորել։ Բացի այդ, նրա խոսքով, դեր են խաղացել թմրանյութերը, ծայրահեղականությունը համացանցում և զենքի առկայությունը:

2022 թվականի նոյեմբերին Քոլորադո Սփրինգսում LGBT Club Q գիշերային ակումբում տեղի ունեցած հրաձգության հետևանքով զոհվել է 22-40 տարեկան 5 մարդ, ևս 20-ը վիրավորվել են։ Ժամանած ոստիկանները տեղում բերման են ենթարկել կրակողին։