Սիրուշոյի նոր երգն արդեն հասանելի է

Արդեն հասանելի է «Oile» երգը, որի խոսքերի ու երաժշտության հեղինակը Սիրուշոն է, գործիքավորումը կատարել է Վաչե Տեր-Եղիշյանը։ Այս մասին իր ֆեյսբուքյան էջում նշել է երգչուհին:
Ավելի վաղ երգչուհին ևս մեկ հրապարակում էր արել, կից գրառմամբ. «Այս իրականության մեջ ու հենց հիմա պիտի «Արմատ»-ի երգերը գրեի… Բայց հիմա, երբ նստում եմ երգեր գրելու, գրչիցս հիմնականում սիրո մասին երգեր են դուրս գալիս… Սերն է պակասել բոլորին…»,- հրապարակմանը կից գրել է երգչուհին։ Նա հավելել է, որ երգը 5 անգամ փորձել են թողարկել «ու հետո հասկանալի պատճառներով՝ հետաձգել…»։ «Բայց ուզում եմ իմ երգերով էլ ձեր կողքին լինել… Բոլոր սրտացավ ու պայքարող մարդկանց… «Արմատ»-ը ձեզ՝ բոլոր դժվար պահերի համար…, իսկ սա էլ թող էստեղ մնա»։