Ավարտվել են Չեսար Օրբելյանի պալատի և կից եկեղեցու տարածքում իրականացվող պեղումները

583

Կիրակի, 23 հունիսի, 2024 թ., 23:00

Ավարտվել են իշխան Չեսար Օրբելյանի պալատի և կից եկեղեցու տարածքում իրականացվող պեղումները։

Ինչպես արդեն հայտնել էինք, այս տարի հնագիտական պեղումներ են իրականացվել Վայոց ձորի մարզի Հորս գյուղում գտնվող իշխանական պալատի տարածքում, որը 14-րդ դարում կառուցել է իշխան Չեսար Օրբելյանը:

Առաջին փուլով պեղումները ընդգրկել են պալատի և կից եկեղեցու տարածքները, որի արդյունքում հողից մաքրվել և բացվել են կառույցների հիմքերը՝ ներքուստ և արտաքուստ, հայտնաբերվել են քանդակազարդ և սրբատաշ բազմաթիվ կարևոր շինաքարեր, սյունախարիսխներ, զուգահեռ իրականացվել են չափագրման և հուշարձանախմբի վերականգնման նախագծի պատրաստման աշխատանքները։

Պեղումների արդյունքում հայտնաբերվել են նաև հնագիտական բազմաթիվ գտածոներ՝ խեցեղեն, քարե և մետաղյա առարկաներ, արձանագրություններ, բացվել են եկեղեցու ավերակների վրա կատարված երեք տասնյակ ուշագրավ մանկական թաղումներ»։