Հինգշաբթի, 10 սեպտեմբերի, 2026 թ.
|
Ստեփանակերտում`   +15 °C

Ադրբեջանը ցանկանում է միանալ BRICS-ին

Ադրբեջանը ցանկանում է միանալ BRICS-ին
3345
Չորեքշաբթի, 03 հուլիսի, 2024 թ., 21:18

Չինաստանն աջակցում է Շանհայի համագործակցության կազմակերպությունում (ՇՀԿ) Ադրբեջանի կարգավիճակի բարձրացմանը։ Այս մասին ասված է հուլիսի 3-ին Աստանայում ՇՀԿ գագաթնաժողովում ընդունված՝ «Ադրբեջանի Հանրապետության և Չինաստանի Ժողովրդական Հանրապետության միջև ռազմավարական գործընկերության հաստատման մասին համատեղ հռչակագրում»։

«Չինական կողմը ողջունում է Ադրբեջանի ցանկությունը՝ ամրապնդելու համագործակցությունը Շանհայի համագործակցության կազմակերպության (ՇՀԿ) շրջանակներում: Ադրբեջանական կողմը հայտնում է BRICS-ին միանալու իր ցանկության մասին, իսկ չինական կողմը ողջունում է Ադրբեջանի մասնակցությունը BRICS համագործակցությանը»,- ասվում է հռչակագրի տեքստում։

BRICS-ը միջկառավարական կազմակերպություն է, որի անդամներն են Բրազիլիան, Ռուսաստանը, Հնդկաստանը, Չինաստանը, Հարավային Աֆրիկան, Իրանը, Եգիպտոսը, Եթովպիան և Արաբական Միացյալ Էմիրությունները: