«Քննարկել ենք Ադրբեջանի էթնիկ զտման քաղաքականության արդյունքում ստեղծված իրավիճակը». Գրիգորյան

339

Չորեքշաբթի, 10 հուլիսի, 2024 թ., 11:36

ՀՀ ԱԽ քարտուղար Արմեն Գրիգորյանի գրառումը. «Հուլիսի 10-ին հանդիպել եմ ԱՄՆ Միջազգային զարգացման գործակալության (USAID) կառավարիչ Սամանթա Փաուերի հետ:
Ողջունելով Սամանթա Փաուերի գլխավորած պատվիրակության այցը Հայաստան՝ ընդգծել եմ, որ գնահատելի է մեր երկրում գործակալության կողմից իրականացվող ծրագրերի ընթացքը:
Քննարկել ենք Ադրբեջանի էթնիկ զտման քաղաքականության արդյունքում ստեղծված հումանիտար իրավիճակը, որի համատեքստում ներկայացրել եմ ՀՀ կառավարության կողմից իրականացվող քայլերն աջակցելու Լեռնային Ղարաբաղից բռնի տեղահանվածներին:
Անդրադարձ ենք կատարել ՀՀ կառավարության կողմից ներկայացված «Խաղաղության խաչմերուկ» նախագծին, ինչի շրջանակներում քննարկել ենք դրա իրականացման հեռանկարները»:

Աղբյուրը` Արմեն Գրիգորյան