«Թուրքիան Ուկրաինայում հակամարտության կողմ չի լինի»․ Էրդողան

Թուրքիան չի մասնակցի Ուկրաինայի հակամարտությանը, Անկարան երկխոսություն է վարում երկու կողմերի հետ: Այս մասին ասել է Թուրքիայի նախագահ Ռեջեփ Էրդողանը Newsweek-ին տված հարցազրույցում։

«Մեր դիրքորոշումը բացառապես խաղաղության օգտին է։ Լուծումը ոչ թե արյունահեղությունն ու տառապանքն է, այլ երկխոսության միջոցով կայուն խաղաղությունը։ Հակամարտությունն Ուկրաինային ավելի շատ վնաս է պատճառել, քան՝ օգուտ»,- ասել է Էրդողանը։

Նա նաև նշել է, որ Թուրքիան երկխոսություն է վարում երկու կողմերի հետ՝ փորձելով նրանց մոտեցնել խաղաղությանը։