Հղիի կրծքերից հեռացվել է 20 կգ գոյացություն. եզակի վիրահատություն` Հայաստանում

Ուռուցքաբանության ազգային ինստիտուտը տեղեկացնում է. «Եզակի վիրահատություն ՈՒԱԿ-ում․ 20 շաբաթական հղիի յուրաքանչյուր կրծքից հեռացվել է շուրջ 10 կգ գոյացություն
ԱԽՏՈՐՈՇՈՒՄ
20-ամյա հղի կինը դիմել է Ուռուցքաբանության ազգային կենտրոն ողնաշարի շրջանում սուր ցավերով՝ պայմանավորված կրծքագեղձերի արագ ու անբնական աճով՝ չափերի ու ծանրության ավելացումով։
Հետազոտության արդյունքում պարզ է դարձել, որ ամբողջ կրծքագեղձը վերափոխված էր և հայտնաբերվել են 6-8 սմ-անոց բազմաթիվ ֆիբրադենոմաներ։
Առաջարկվել է վիրահատական բուժում՝ կրծքագեղձերի մեծ գոյացությունների հեռացումով՝ հնարավորինս պահպանելով կրծքագեղձերը։
ՎԻՐԱՀԱՏՈՒԹՅՈՒՆ
Հունիսի 3-ին իրականացվել է առաջին վիրահատությունը։ Վիրահատության սկզբում պարզ է դարձել, որ գոյացություններն առանձին հնարավոր չէ հեռացնել, քանի որ կիպ հարում են և կազմում են մի ամբողջ զանգված (կոնգլոմերատ) և վիրահատությունը, ըստ էության, կատարվել է կրծքագեղձի գրեթե ամբողջական հեռացում՝ մաշկի և պտուկ-արեոալյար կոմպլեքսի պահպանմամբ։
Հաշվի առնելով հեմոգլոբինի ելային ցածր մակարդակը և արյան կորուստը կապված տեխնիկական դժվարությունների հետ, որոշում է կայացվել մյուս կրծքագեղձի վիրահատությունը հետաձգել։
Նախապատրաստական միջոցառումներից հետո հունիս 7-ին իրականացվել է երկու կրծքագեղձերի ամբողջական հեռացում։
Վիրահատությունն իրականացրել են ՈՒԱԿ մամոլոգիական բաժանմունքի ղեկավար Անդրեյ Մինասյանցը, բժիշկ-ուռուցքաբան Արտյոմ Սիմոնյանը, անեսթեզիոլոգ Գուրգեն Ամիրխանյանը, ռադիոլոգ Կարինե Խոնդկարյանը, ինչպես նաև այլ բժշկական կենտրոնից հրավիրվել է պացիենտի հղիությունը վերահսկող մանկաբարձ-գինեկոլոգ Կարեն Ջուլհակյանը։
ԴԵՊՔԻ ԱՌԱՆՁՆԱՀԱՏԿՈՒԹՅՈՒՆ
Երիտասարդ պացիենտի 20 շաբաթական հղիությունը զուգակցվում էր բնականից ցածր՝ 86մգ հեմոգլոբինով, և նախապես որոշված մեկ վիրահատության փոխարեն կատարվեցին երկուսը՝ պայմանավորված արյան ռիսկային կորստով, ինչը կարող էր վտանգ հանդիսանալ և՛ մոր, և՛ պտղի համար։
Առաջին վիրահատության ժամանակ ձախ կրծքագեղձի վիրահատությունը հարկադրված հետաձգվել է հաշվի առնելով մոր և պտղի կյանքի պահպանման և հնարավոր այլ ռիսկերը։
Հետվիրահատական հեռացված զանգվածը կշռում էր շուրջ 10 կգ՝ յուրաքանչյուր կրծքագեղձից։
Բարդություններից խուսափելու համար ողջ ընթացքում եղել է սոնոգրաֆիկ վերահսկողություն պտղի սրտի բաբախի, շարժի և կայուն վիճակի ապահովման համար։
Վիրահատությունը հնարավորություն է տվել պացիենտին քայլել ուղղահայաց դիրքով՝ չխանգարելով պտղի զարգացմանը և խուսափել գոյացության հնարավոր հավանական չարորակացումից։
ՎԻՐԱՀԱՏՈՒԹՅՈՒՆԻՑ ՀԵՏՈ
Վիահատությունից հետո հղիի և պտղի վիճակը գնահատվել է բավարար, օրեր անց դուրս են գրվել հիվանդանոցից և այժմ գտնվում են վիրաբույժների և մանկաբարձ-գինեկոլոգի հսկողության տակ»։

«Ինչո՞ւ դեղատներում չկան այն դեղերը, որ ամենավատ հիվանդությունների դեպքում մարդիկ իրենց կոտորելով ձեռք են բերում»․ Հարություն Հարությունյան
32616.11.2026, 12:24
«Ավաղ, դեռ շարունակվում է յոդով վանդակների, կարագի, քացախով նասկիների կիրառումը». Արմեն Օհանյան (տեսանյութ)
64713.11.2026, 13:12
«Պետք է վստահ լինել, որ բժշկական գործիքներն անցել են պատշաճ ախտահանում և մանրէազերծում»․ Անուշ Պողոսյան (լուսանկար)
83311.11.2026, 00:42
«Փակվում են տուբերկուլոզի կաբինետները»․ Անուշ Պողոսյան (լուսանկար)
88509.11.2026, 23:36
PJ.2.1-ը ներկայում շրջանառվող COVID-19-ի հարուցիչներից է․ ՀՎԿԱԿ
86709.11.2026, 22:42
«Մի վիրավորեք բժշկական հանրույթի ինտելեկտը». Անուշ Պողոսյան
105606.11.2026, 01:06
«8,785 ՄԱՀ. իսկ ո՞վ գնահատեց COVID-19-ի դեմ Հայաստանի պայքարի արդյունավետությունը». Անուշ Պողոսյան
110305.11.2026, 01:06
Ծերության հոտը գոյություն ունի. գիտնականները բացատրել են, թե ինչու է այն առաջանում և ինչպես խուսափել
249404.11.2026, 23:31