«Հիմք ունեմ կասկածելու, որ ծորակի ջրից է այս ավազը». Նարինե Կիրակոսյան

Լրագրող Նարինե Կիրակոսյանը գրառում է կատարել իր էջում՝ կցելով լուսանկար. «Սա հալված սառույցի մեջից ավազն է։
Պատկերացնո՞ւմ եք, սառցաման մեր տան ծորակի ջրից ենք լցրել և դրել սառցախցիկում սառչի, իսկ հալվելուց սա եմ տեսնում։ Հիմք ունեմ կասկածել, որ մեր ծորակի ջրից է այս ավազը, թեպետ կա ենթադրություն, որ Երևանն այնքան փոշոտ է դարձել, որ ջրի մեջ ավազը հայտնվել է բաց օդի հետ շփման ընթացքում։
Ամեն դեպքում կիսաանապատային գոտում գտնվող մեր մայրաքաղաքը լրիվ անապատ է դարձել։ Երեկ չէ առաջի օրը պատշգամբի պատուհանները լվացի, իսկ այսօր մի շերտ ավազ եմ մաքրել պատուհանագոգերից։
Էս ամենը մենք շնչում և խմում ենք։
Պետք է շատ մեծ մտահոգությամբ անեինք ամեն բան, որ Երևանի կանաչապատման ու ջրային ավազանների ավելացման հարցը առաջնահերթ դառնար։ Բայց ․․․
Խոսելն անօգուտ է դարձել, անգամ մեզ, լրագրողներիս համար, քանի որ ասելն ասում ենք, անելն անողները չեն անում։
Թող տաֆտալոգիա չհնչի, բայց մի քաղաքապետ ունեինք է, որ ասում էր․ «Ասեք, անենք»։
Ավիրելուց, ավիրում եք, սարքելուց, սարքում եք, բայց քարե ջունգլիներ, այլ ոչ թե կանաչ ու ապրելու ենթակա քաղաք։
Էհ,․․ Ավիրյան, Ավիրյան․․․»: