Crocus-ի գործում «ռուսական հետք» են հայտնաբերել

1381

Երեքշաբթի, 16 հուլիսի, 2024 թ., 14:42

Մերձմոսկովյան Crocus City Hall-ում ահաբեկչությունը կազմակերպել է միջազգային թիմը՝ Կենտրոնական Ասիայի և եվրոպական երկրների ներկայացուցիչների հետ, որոնց թվում կան նաև ռուսաստանցիներ: Այս մասին Դաշնության խորհրդում ելույթի ժամանակ հայտնել է «Ռոսֆինմոնիթորինգի» ղեկավար Յուրի Չիխանչինը։

«Դեռ քննություն է ընթանում։ Բայց ես կարող եմ ասել, որ դա միջազգային թիմ է՝ տարբեր երկրների ներկայացուցիչների մասնակցությամբ։ Նրանք Կենտրոնական Ասիայի երկրների, եվրոպական երկրների ներկայացուցիչներ են, և շատ ռուսաստանցիներ կան այդ կազմում»,- ասել է նա։

Ավելի վաղ նա հայտարարել էր, որ ահաբեկչությունը ֆինանսավորվել է կրիպտոարժույթի օգտագործմամբ: