ԱՄՆ-ն այլևս հույս չէ․ ի՞նչ է խնդրել Զելենսկին ՄԲ նոր վարչապետին․ #Guardian

Հաշվի առնելով այն, որ ԱՄՆ-ն հրաժարվում է համաձայնություն տալ՝ հարվածներ հասցնելու ՌԴ-ի խորքը, Ուկրաինայի նախագահ Վլադիմիր Զելենսկին դիմել է Մեծ Բրիտանիայի նոր վարչապետ Քիր Սթարմերին՝ խնդրելով օգնել Ուկրաինային՝ ամրապնդելու իր պաշտպանությունն ու առաջատար դիրքը։ Այս մասին ասվում է բրիտանական Guardian-ի հրապարակման մեջ։

Զելենսկին նշել է, որ եթե արևմտյան զենքի կիրառման սահմանափակումները հանվեն, դա կօգնի Կիևին ամրապնդելու իր պաշտպանությունը և ոչնչացնելու զենքի օջախները ՌԴ-ում: Քննարկելով հեռահար զենքի հարցը՝ Զելենսկին ընդգծել է, որ «դեռ չունի այդ հարցի պատասխանը»։ «Ես խնդրում եմ ձեզ ցույց տալ այդ հարցում ձեր առաջնորդությունը»,- Սթարմերին դիմել է Զելենսկին։

Նա նաև հավելել է, որ Ռուսաստանի տարածքին հարվածելու համար արևմտյան զենքի օգտագործման հնարավորությունը «կարևոր է Մոսկվայի ագրեսիայից պաշտպանվելու համար»։