Հարիսը բավարար ձայներ է ստացել՝ ԱՄՆ նախագահի պաշտոնում առաջադրվելու համար

ԱՄՆ փոխնախագահ Քամալա Հարիսը Դեմոկրատական կուսակցության համագումարում հավաքել է բավարար ձայներ՝ նոյեմբերին կայանալիք ընտրություններում որպես նախագահի թեկնածու առաջադրվելու համար, գրում է Associated Press-ը։

Գործակալության հաշվարկներով՝ Հարիսին աջակցել է 2538 պատվիրակ։ Որպես թեկնածու հաստատվելու համար անհրաժեշտ էր հավաքել առնվազն 1976 ձայն։

Նշվում է, որ այս թիվը պաշտոնական և վերջնական չէ, ձայների վերջնական բաշխումը և թեկնածության առաջադրումը տեղի կունենա կուսակցության համագումարի ժամանակ՝ Չիկագոյում, օգոստոսի 19-22-ը։