VSquare-ը հաշվել է, թե ԵՄ առաջնորդներից ով է ստանում ամենաշատ աշխատավարձը

1013

Չորեքշաբթի, 24 հուլիսի, 2024 թ., 22:36

Գերմանիայի կանցլեր Օլաֆ Շոլցը ամենաբարձր աշխատավարձն է ստանում ԵՄ անդամ երկրների ղեկավարների շարքում։ Նրա ամսական եկամուտը կազմում է մոտ 29 հազար եվրո, գրում է VSquare հարթակը։

«Ամենաբարձր աշխատավարձը Գերմանիայի կանցլեր Օլաֆ Շոլցինն է, ով տարեկան ստանում է 348,300 եվրո կամ ամսական մոտավորապես 29 հազար եվրո»,- ասվում է զեկույցում։

Ըստ ներկայացված տվյալների՝ Շոլցի եկամուտը 5,9 անգամ գերազանցում է միջին գերմանացու եկամուտը։ Ավստրիայի կանցլեր Կառլ Նեհամերը մի փոքր ավելի քիչ է վաստակում, քան Շոլցը, իսկ Լյուքսեմբուրգի վարչապետ Լյուքս Ֆրիդենը երրորդ տեղում է։ Պորտալը հիշատակել է նաև Հունգարիայի վարչապետ Վիկտոր Օրբանին, նա ստանում է ամենաբարձր աշխատավարձը ԵՄ անդամներից՝ իր երկրում միջին աշխատավարձի համեմատ (տարեկան 191,702 եվրո, 9,5 անգամ ազգային միջինից): Նրան հաջորդում են Սլովակիայի վարչապետ Ռոբերտ Ֆիկոն և Չեխիայի վարչապետ Պետր Ֆիալան։

Ավելի վաղ Շոլցը հայտարարել էր Գերմանիայի կանցլերի պաշտոնում վերընտրվելու՝ իր մտադրության մասին։ Նա այդ պաշտոնը զբաղեցնում է 2021 թվականի վերջից։