Չորեքշաբթի, 18 մարտի, 2026 թ.
|
Ստեփանակերտում`   +8 °C

«Եկել է ջահը նոր սերնդին փոխանցելու ժամանակը»․ Բայդենը դիմել է ժողովրդին

«Եկել է ջահը նոր սերնդին փոխանցելու ժամանակը»․ Բայդենը դիմել է ժողովրդին
1473
Հինգշաբթի, 25 հուլիսի, 2024 թ., 09:36

ԱՄՆ նախագահ Ջո Բայդենն ուղերձ է հղել ժողովրդին և խոստացել մնալ նախագահի պաշտոնում մինչև իր պաշտոնավարման ժամկետի ավարտը և ապահովել հպարտ երկրների կոալիցիայի միասնությունը՝ հաջակցություն Ուկրաինայի։

«Մենք կշարունակենք ուժեղացնել ՆԱՏՕ-ն, ես կդարձնեմ այն ավելի հզոր և ավելի միասնական, քան երբևէ»,- Բայդենի խոսքը մեջբերում է CNN-ը։

Բայդենը նաև բացատրել է ընտրապայքարը թողնելու որոշումը․ «Եկել է ջահը երիտասարդ սերնդին փոխանցելու ժամանակը։ Կարծում եմ՝ որպես նախագահ իմ վաստակը, աշխարհում իմ առաջնորդնությունն ու Ամերիկայի ապագայի իմ տեսլականն ինձ արժանի են դարձնում երկրորդ ժամկետի համար, սակայն ոչինչ չպետք է կանգնի մեր ժողովրդավարության փրկության ճանապարհին, ներառյալ՝ մեր սեփական հավակնությունները»։

Բայդենը կրկին հայտարարել է, որ ընտրություն է կատարել փոխնախագահ Քամալա Հարիսի օգտին՝ նրան անվանելով փորձառու քաղաքական գործիչ:

«Եկել է ջահը նոր սերնդին փոխանցելու ժամանակը»․ Բայդենը դիմել է ժողովրդին