«Այս ամենը կարող է վկայել արտահերթ ընտրությունների մասին»․ Ոսկան Սարգսյան

Լրագրող Ոսկան Սարգսյանի գրառումը․ «Նիկոլ Փաշինյանը չնայած մեկ ամոսով արձակուրդում է, սակայն չի էլ մտածում հանգստանալու մասին, անընդհատ մարզեր այցեր է կատարում։ Նա նաև ակտիվորեն զբաղված է ՔՊ կուսակցության տարածքային կառույցները ամրապնդելով, անձամբ է մասնակցում այդ կառույցների ժողովներին։ Պետական մարմինները, նախարարությունները նախկինում անտեսում էին լրագրողներիս քննադատական նյութերը, վերջին օրերին սկսել են դրանց վերաբերյալ պարզաբանումներ տալ, դրանց արձագանքել։ Այս ամենը կարող է վկայել արտահերթ խորհրդարանական ընտրությունների մասին։ Բեռլինում, Լոնդոնում, Դիլիջանի ոլորաններում հեծանիվ քշող Նիկոլ Փաշինյանի և ՔՊ-ի վարկանիշը շարունակում է անկում ապրել, նույնիսկ գյուղերում Հ1-ի քարոզչությամբ ապրողներն են հասկանում, որ Փաշինյանն այն մարդը չէ, որպիսին 2018-ին ժողովրդին ներկայանում էր։ Գուցե այդ պատճառով Նիկոլ Փաշինյանը որոշել է արտահերթ ընտրություններ անցկացնել, վարչական ռեսուրսի գործադրմամբ, «նախկինների» դեմ շոուներ սարքելով, Եվրոմիություն մուտք գործելու, Շենգենյան վիզայի ազատականացման մասին տարփողող կեղծ արևմտամետների հետ ընտրություններից հետո կոալիցիա կազմելով՝ ևս մի հնգամյակ մնալ իշխանության»։