Իսրայելի ԱԳՆ-ն կոչ է արել ՆԱՏՕ-ից հեռացնել Թուրքիային

Իսրայելի արտգործնախարար Իսրայել Կացը՝ ի պատասխան Թուրքիայի նախագահ Ռեջեփ Թայիփ Էրդողանի սպառնալիքների, հայտարարել է, որ Թուրքիային պետք է հեռացնել ՆԱՏՕ-ից, փոխանցում է Reuters-ը։

«Էրդողանը Թուրքիան դարձրել է իրանական չարիքի առանցքի մասնակից»,- ասել է Կացը։

Նա հիշեցրել է, որ Թուրքիան, որը սպառնում է ներխուժել Իսրայել, ընդունում է ՀԱՄԱՍ խմբավորման անդամներին, որի դեմ Իսրայելը ռազմական գործողություններ է իրականացնում 2023թ․ հոկտեմբերի 7-ի ահաբեկչական հարձակումից հետո։

Ավելի վաղ Կացն Էրդողանին համեմատել է Սադամ Հուսեյնի հետ։