Քննարկում՝ «Տիգրանաշենը չի հանձնվելու թշնամուն» թեմայով․ ՈՒՂԻՂ ՄԻԱՑՈՒՄ

«Միասին» այլընտրանքային հասարակական-քաղաքական շարժումը քննարկում է կազմակերպել՝ «Տիգրանաշենը չի հանձնվելու թշնամուն» թեմայով։ «Լուրջ մտահոգություն ունենք Տիգրանաշենի հանձնման հետ կապված։ Այս իշխանությունները շարունակելու են այն քաղաքականությունը, որը իրականացրեցին Տավուշում։ Տիգրանաշենը ռազմավարական նշանակություն ունի ՀՀ անվտանգության ապահովման հարցում։ Տիգրանաշենը, դա ոչ թե այն հատվածն է, որը իբր անկլավ է կոչվում, դա մի ահռելի տարածք է, որը սկսվում է Նախիջևանի սահմանից մինչև Տիգրանաշեն, դա 12 կմ է և այդ ամբողջ հատվածը դառնալու է թուրքական աշխարհը միավորող միջանցք։ Այսինք՝ Տիգրանաշեն հասկացողությունը անկլավ չէ, այլ այն միջանցքի հատվածն է, որը որ կարող է ձևավորվել, եթե այս իշխանությունը իրացնի այդ հանցավոր գործարքը։ Պետք է մտածենք՝ ինչպիսի գործողություններ կարող ենք իրականացնել, որպեսզի թույլ չտանք նման գործարք իրականացվի»,-իր բացման խոսքում ասաց «Միասին» շարժման անդամ Արամ Սարգսյանը։