Ենթադրվում է, որ 2024-2025 թվականներին Ուկրաինան կլքի ևս 400 հազար քաղաքացի

756

Ուրբաթ, 02 օգոստոսի, 2024 թ., 21:24

Ուկրաինայի Ազգային բանկն ակնկալում է երկրից բնակչության արտահոսքի տեմպերի աճ։

Այս մասին գրում են ուկրաինական լրատվամիջոցները։

Նշվում է, որ քաղաքացիների արտահոսք է սպասվում 2024-2025 թվականներին, այն կազմելու է մոտ 400 հազար մարդ։

Կանխատեսումը վատթարացել է ապրիլյան զեկույցի համեմատ, իսկ դրա պատճառը Ուկրաինայի էներգետիկ համակարգի զգալի մասի ոչնչացումն է, որն ուղեկցվում է էլեկտրաէներգիայի տևական անջատումներով։

Իրավիճակի վրա բացասաբար է ազդում այն փաստը, որ վնասները մեծացնում են բացասական ռիսկերը ձմռանը ջեռուցում կազմակերպելու համար։