«Համերգային կյանքը զիջել է իր դիրքերը ռեստորանային, կորպորատիվ առիթներին»․ Գուրգեն Դաբաղյան

«Համերգային կյանքը, համեմատած նախորդ տարիների, մի քիչ զիջել է իր դիրքերը, տեղը եկել է ռեստորանային, կորպորատիվ առիթներինը. չմեկնաբանենք՝ լավ, թե վատ, ամեն մեկն իր տեղն ունի: Այդ տեղերում եթե հնչում են ժողովրդական-ազգագրական երգեր՝ թեկուզ պարային ձևով, գործիքավորմամբ, չեն մահանում, դա կարևոր է»,- 24TV-ի եթերում ասել է երգիչ Գուրգեն Դաբաղյանը՝ նշելով, որ հիմա յուրաքանչյուր արտիստ պետք է կարողանա իր ոճը մատուցել նաև երգարվեստի տվյալ բնագավառում․ «Պետք է լինել ճկուն, այսինքն, չլինել մի մարդ, ով դուրս է մնացել, մենակ քննադատում է՝ անցյալը լավն էր, ներկայում լավ բան չկա, ափսոս, որ հիմա համերգներ չկան, հարսանիքներում մենակ վատ երգեր են լսում և այլն։ Պետք է գտնել ձևեր, այնպես անել, որ այդ նույն ոճն այսօր էլ մատուցվի, որպեսզի տվյալ արտիստը չդադարի արտիստ լինելուց և աշխատի իր գումարը։ Հիմա գումարը հիմնականում այդտեղ է հավաքված։ Եթե դու ճիշտ ու խելացի ձևով՝ չկորցնելով այն որակները, որոնք ունես, հակառակը՝ ավելացնելով նոր բաներ, կարողանաս քեզ մատուցես նաև այնտեղ, ուրեմն դու կշարունակես ապրել՝ որպես երաժիշտ, արտիստ»։