Թրամփը հարցազրույց է տվել Մասքին

ԱՄՆ նախկին նախագահ, նախագահի թեկնածու Դոնալդ Թրամփը հարցազրույց է տվել ամերիկացի գործարար Իլոն Մասքին։

«Պուտինին շատ լավ եմ ճանաչում։ Նա ինձ հարգում էր։ Հուսով եմ՝ մենք նորից կհաշտվենք»,- ասել է Թրամփը։

Նրա խոսքով՝ այսօր ոչ ոք չի հարգում ԱՄՆ-ին։

Թրամփը մեկնաբանել է իր դեմ մահափորձը, որը, ըստ նրա, հնարավոր է դարձել իրավապահ մարմինների ոչ բավարար համակարգման պատճառով: «Գաղտնի ծառայությունը շատ արագ գործեց, դրա համար քաջություն էր պետք։ Բայց համակարգման պակաս կար»,- ասել է Թրամփը։ Նա բարձր է գնահատել Գաղտնի ծառայության դիպուկահարի աշխատանքը, որը պատասխան կրակոցով սպանել է մահափորձ կատարած Թոմաս Մեթյու Քրուքսին:

Թրամփը խոսել է նաև գործող նախագահ Ջո Բայդենի՝ ընտրապայքարից դուրս գալու պատճառների մասին։ Նրա խոսքով՝ Բայդենին դուրս է մղել դեմոկրատական կուսակցությունը։ Բացի այդ, Թրամփը նշել է, որ փոխնախագահ Քամալա Հարիսը, որը որպես դեմոկրատական թեկնածու փոխարինել է Բայդենին, «նույնքան վատն է, որքան Բայդենը»։