Մեծ Բրիտանիան արգելել է Ուկրաինային՝ Storm Shadow հրթիռներով հարվածել Կուրսկին. #Telegraph

Ուկրաինան Կուրսկի մարզ ներխուժման ժամանակ Մեծ Բրիտանիայից Storm Shadow հեռահար հրթիռներ օգտագործելու թույլտվություն չի ստացել։ Այս մասին գրում է Telegraph-ը՝ հղում կատարելով Մեծ Բրիտանիայի վարչապետի գրասենյակի ներկայացուցչին։

«Մեծ Բրիտանիայի դիրքորոշումը չի փոխվել։ Մենք ռազմական օգնություն ենք ցուցաբերում՝ աջակցելու Ուկրաինայի ինքնապաշտպանության իրավունքին։ Մենք միանշանակ հայտարարել ենք, որ Մեծ Բրիտանիայի տրամադրած սարքավորումները նախատեսված են Ուկրաինայի պաշտպանության համար»,- ասել է պարբերականի զրուցակիցը՝ նշելով, որ Storm Shadow հրթիռների օգտագործման որոշումը կախված է ոչ միայն Մեծ Բրիտանիայի կառավարությունից, այլև Ֆրանսիայից, քանի որ այդ զենքը երկու երկրների համատեղ մշակումն է։