Չորեքշաբթի, 11 մարտի, 2026 թ.
|
Ստեփանակերտում`   -1 °C

«Ձեր բանավոր (հեռախոսային) հարցադրումները ձայնագրվելու են». Հայկ Կոստանյանը՝ լրագրողներին

«Ձեր բանավոր (հեռախոսային) հարցադրումները ձայնագրվելու են». Հայկ Կոստանյանը՝ լրագրողներին
699
Չորեքշաբթի, 14 օգոստոսի, 2024 թ., 14:18

Երևանի քաղաքապետի մամուլի քարտուղար Հայկ Կոստանյանի ֆեյսբուքյան գրառումը․ «ԶԼՄ-ների հարգելի տնօրեններ, խմբագիրներ և լրագրողներ, ելնելով այն հանգամանքից, որ Երևանի քաղաքապետարանի ծրագրերին առնչվող ձեր բանավոր հարցադրումներին տրվող պատասխանները հաճախ չեն արտահայտում պաշտոնյաների կողմից ներկայացված դիրքորոշումը կամ պարզաբանման բուն իմաստը, կտրված են կոնտեքստից և չեն արտացոլում իրականությունը՝ տեղեկացնում եմ, որ այսուհետ ձեր բանավոր (հեռախոսային) հարցադրումները ձայնագրվելու են՝ օրենքի համաձայն նախապես ձեզ տեղեկացնելով: Ձայնագրությունները հրապարակային օգտագործվելու են որպես փաստ և ապացույց՝ բացառապես այն դեպքում, երբ ձեր հրապարակումներում ներկայացված տեղեկատվությունը կլինի խեղաթյուրված կամ, ինչպես վերը նշվեց՝ չի արտացոլի իրականությունը: Այս նախաձեռնության հիմքում նաև գործընկերային հարաբերությունները մշտապես բարձր մակարդակի վրա պահելն ու հանրությանը օբյեկտիվ լրատվություն հրամցնելն է:
Հ. Գ. Որպես մամուլի քարտուղար ԶԼՄ-ների հետ շփվում եմ 2022թ-ից, և վստահ եմ, որ ձեր շարքերում չի գտնվի գեթ մեկ լրագրող, որը ինձ մեղադրի որևէ մեկի հանդեպ տարբերակված մոտեցում ցուցաբերելու մեջ»:

Աղբյուրը`   Հայկ Կոստանյան