Ցուկերբերգը պատվիրել է կնոջ արձանը

Facebook-ի 40-ամյա հիմնադիր Մարկ Ցուկերբերգը պատվիրել է 39-ամյա կնոջ՝ Պրիսցիլա Չանի՝ հռոմեական ոճով 2-մետրանոց արձանը։ Նրանք միասին են արդեն 20 տարի, ունեն 3 դուստր։

«Վերադարձնելով կնոջ արձաններ ստեղծելու հռոմեական ավանդույթը»,- սոցցանցում գրել է Մարկ Ցուկերբերգը։

Նա աշխատանքի համար շնորհակալություն է հայտնել ամերիկացի նկարիչ և քանդակագործ Դենիել Արշամին։

Ամերիկյան մի շարք լրատվամիջոցներ գրում են, որ ամուսինները Հավայան կղզիներում գաղտնի բունկերներով հսկայական կալվածք են կառուցում։ Ցուկերբերգի կարողությունը գնահատվում է 181,4 մլրդ դոլար: