Կատակերգու Սլավա Կոմիսարենկոյի նկատմամբ մեղադրանք են հարուցել Լուկաշենկոյին վիրավորելու համար

Բելառուսում հեռակա հետաքննություն է սկսվել կատակերգու Սլավա Կոմիսարենկոյի դեմ, ով մեղադրվում է հանրապետության ղեկավար Ալեքսանդր Լուկաշենկոյի հասցեին զրպարտության և վիրավորանքի համար:

Սթենդափ կատակերգուին մեղադրանք է առաջադրվել «Ռասայական, ազգային կամ կրոնական ատելություն կամ թշնամություն հրահրելու», «Բելառուսի Հանրապետության նախագահին զրպարտելու» և «Բելառուսի Հանրապետության նախագահին վիրավորելու» համար։ Հանրապետության քրեական օրենսգրքի յուրաքանչյուր հոդվածով նրան կարող է սպառնալ մինչև 5 տարվա ազատազրկում։ Հայտնի է, որ կատակերգուն սեպտեմբերին նախատեսում է համերգների շարք անցկացնել Յուրմալայում, Պրահայում և Լոնդոնում։