Արագած լեռան թաքնված գեղեցկությունը` Մանթաշի ջրվեժ

837

Շաբաթ, 17 օգոստոսի, 2024 թ., 18:48

Արագած լեռը հայտնի է ոչ միայն նրանով, որ համարվում է Հայաստանի Հանրապետության ամենաբարձր լեռը, այլ նաև մի շարք սառնորակ լճերով ու ջրվեժներով:
Լեռան հյուսիսարևմտյան լանջերին է գտնվում վերջին տարիներին արշավականների կողմից մեծ ուշադրության արժանացած Մանթաշի ջրվեժը, որը գահավիժում է մոտ 21 մ բարձրությունից: Ջրվեժն առաջանում է համանուն գետի աջ վտակից: Աշխարհագրորեն ջրվեժը գտնվում է Շիրակի մարզում՝ Մանթաշ գյուղից 15 կմ հեռավորության վրա: Ջրվեժի ճանապարհին կարելի է տեսնել նաև Մանթաշի ջրամբարը:
Մանթաշի ջրվեժը գրանցված է Հայաստանի Հանրապետության Բնապահպանության նախարարության բնության պետական հուշարձանների ցանկում։