«Ալկոթեստից» խուսափելու դեպքում անձն անմիջապես կզրկվի վարորդական իրավունքից. առաջարկ

1519

Շաբաթ, 17 օգոստոսի, 2024 թ., 19:36

Ինչպես ավելի վաղ հայտնել ենք, վերջին 4 տարում Հայաստանում ՎԻՎ-ից զրկվել է 23 հազար մարդ:

ՆԳՆ-ն տեղեկացնում է, որ կան վարորդներ, որոնք հրաժարվում են պարեկային ծառայողի կողմից առաջարկվող՝ «ալկոթեստի» միջոցով սթափության վիճակի զննությունից, փորձում են ամեն կերպ ժամանակ շահել, հնարավորինս ուշ անցնել թեստավորում, որպեսզի այդ ընթացքում նվազի արյան մեջ էթանոլի քանակությունը: Սակայն ներկայացվել է առաջարկություն, որն արդեն քննարկումների փուլում է: Ըստ այդ առաջարկի՝ «ալկոթեստի» միջոցով սթափության վիճակի զննությունից խուսափելու դեպքում անձը տեղում անմիջապես կզրկվի տրանսպորտային միջոց վարելու իրավունքից: