«Նորություն էր Պուտինի հայտնած միտքը մարդասիրական կապերի հաստատման մասին». Կարեն Հովհաննիսյան

Ռազմական փորձագետ Կարեն Հովհաննիսյանի ֆեյսբուքյան գրառումը․ «Բաքվում ՌԴ նախագահն, անդրադառնալով հայ-ադրբեջանական հարցին, մասնավորապես հետևյալ միտքն է ասել․ «Մենք պատրաստ ենք նաև աջակցելու սահմանազատմանն ու սահմանագծմանը, նկատի ունեմ, որ ունենք համապատասխան փաստաթղթեր, որոնք վերաբերվում են ԽՍՀՄ ժամանակներին, դրանք կօգնեն անդրսահմանյան ուղիների ապաշրջափակմանը և մարդասիրական կապերի հաստատմանը»։
Ինձ համար հատկապես նորություն էր վերջին միտքը՝ մարդասիրական կապերի հաստատումը։ Եթե թարգմանելու լինենք դիվանագիտական լեզվից, ապա պետք է հասկանանք հետևյալ կերպ, որ մեզանից ակնկալում են Ադրբեջանի և Նախիջևանի միջև ցամաքային կապի տրամադրում՝ ելնելով մարդասիրական նորմերից։
Եթե այս հանդիպումը լիներ ուղիղ մեկ տարի առաջ և ասվեր այս միտքը, ապա նաև կհասկանայինք, որ սա վերաբերում է նաև Լաչինի փակ միջանցքին, որով Արցախին գրեթե մեկ տարի պահեցին շրջափակման մեջ։ ՀՀ-ի տարածքով որևէ մեկին մարդասիրական կապերի հաստատման համար ճանապարհ տրամադրելը չպետք է միակողմանի լինի։ Հուսամ, նոր բախման սկիզբ չի դրվում»: