Պավել Դուրովն, ամենայն հավանականությամբ, գիտեր, որ օդանավակայանում իրեն ժանդարմներ են սպասում

Telegram-ի հիմնադիր Պավել Դուրովն, ամենայն հավանականությամբ, գիտեր, որ Լե Բուրժե օդանավակայանում իրեն ժանդարմներ են սպասում, քանի որ վերջին պահին, ֆրանսիական Ռեյմս քաղաքում, նա ցանկացել է փոխել ինքնաթիռի ուղղությունը և վայրէջք չկատարել Փարիզում։ Այս մասին են վկայում Flightradar24-ի տվյալները։

Նրանց խոսքով՝ Telegram-ի սեփականատիրոջ անձնական ինքնաթիռը շրջվել և ուղևորվել է Ֆրանսիայի հարավ՝ նախատեսված վայրէջքից 20 րոպե առաջ։ Ավելին, հինգ րոպե անց գործարարի ինքնաթիռը վերադարձել է Փարիզի Լե Բուրժե տանող միջանցք։

Հավանաբար, ֆրանսիական իշխանությունները և ավիադիսպետչերներն ստիպել են օդաչուներին դա անել, ըստ մեկ այլ վարկածի, Embraer-ը բավարար վառելիք չի ունեցել Ֆրանսիայից օդ բարձրանալու համար: