ԱՄՆ-ի ԶՈՒ միացյալ շտաբի նախագահը Իսրայելում է

ԱՄՆ-ի Զինված ուժերի շտաբների պետերի միացյալ շտաբի նախագահ, գեներալ Չարլզ Բրաունը ժամանել է Իսրայել, որտեղ նախատեսված է նրա հանդիպումը Իսրայելի բանակի գլխավոր շտաբի պետ Հերզի Հալեվիի հետ։ Այս մասին հայտնում է Իսրայելի պաշտպանության բանակի (IDF) մամուլի ծառայությունը։

Ռազմական ղեկավարները «կքննարկեն անվտանգության հարցերն ու ռազմավարությունները՝ կապված տարածաշրջանում համատեղ վարժանքների հետ՝ որպես Մերձավոր Արևելքի սպառնալիքներին հակազդելու մաս», - ասվում է հաղորդագրության մեջ: Մամուլի ծառայությունը նշել է, որ «Իսրայելական բանակը կշարունակի խորացնել հարաբերությունները ԱՄՆ Զինված ուժերի հետ՝ որպես տարածաշրջանային կայունության ամրապնդման և երկու բանակների միջև համակարգման իր հանձնառության մաս»: