Դուրովի կալանքի ժամկետը երկարացվել է

Telegram մեսենջերի հիմնադիր Պավել Դուրովը մինչև չորեքշաբթի կալանքի տակ է կմնա Ֆրանսիայում, հայտնում են տեղական լրատվամիջոցները՝ վկայակոչելով իրավիճակին ծանոթ աղբյուրին։
Շաբաթ երեկոյան ֆրանսիական լրատվամիջոցները հայտնել են, որ Telegram-ի հիմնադիր Պավել Դուրովը ձերբակալվել է Լե Բուրժե օդանավակայանում։ Դա տեղի է ունեցել մասնավոր ինքնաթիռից իջնելիս, որը ժամանել է Ադրբեջանից։ Տեղական մամուլի տեղեկությունների համաձայն՝ Դուրովը, ով Ֆրանսիայի քաղաքացիություն ունի, եղել է երկրում հետախուզվողների ցուցակում։

Մեսսենջերի հիմնադրին, ի թիվս այլնի, կարող են մեղադրել ահաբեկչության, մանկական պոռնոգրաֆիայի տարածման, թմրամիջոցների ապօրինի շրջանառության, խարդախության, փողերի լվացման և քիբերհանցագործության մեջ: Ֆրանսիացի լրագրող Սիրիլ Ամուրսկու խոսքով՝ գործարարին սպառնում է մինչև 20 տարվա ազատազրկում։
Ինչպես պարզաբանել է Փարիզի դատախազությունը, Դուրովի կալանքը կարող է երկարաձգվել մինչև օգոստոսի 28-ը, քանի որ այն չի կարող գերազանցել 96 ժամը։
Իր հերթին Ֆրանսիայում Ռուսաստանի դեսպանատանը ՌԻԱ Նովոստիին հայտնել են, որ Փարիզը մինչ այժմ հրաժարվել է համագործակցել ձեռնարկատիրոջ կալանավորման հարցում։
Արտաքին գործերի նախարարության խոսնակ Մարիա Զախարովանմասել է, որ Մոսկվան նոտա է հղել Դուրովին մուտք գործելու պահանջով, սակայն Փարիզը նրա՝ Ֆրանսիայի քաղաքացիությունը համարում է առաջնային։ Նա հավելել է, որ Ռուսաստանը հետևելու է միջազգային կազմակերպությունների արձագանքին Telegram-ի հիմնադրի ձերբակալության շուրջ։