Չորեքշաբթի, 11 մարտի, 2026 թ.
|
Ստեփանակերտում`   -1 °C

«Հոկտեմբերի 27»-ի գործով ցմահ դատապարտվածի մահվան դեպքի առթիվ նախաձեռնվել է քրեական վարույթ

«Հոկտեմբերի 27»-ի գործով ցմահ դատապարտվածի մահվան դեպքի առթիվ նախաձեռնվել է քրեական վարույթ
518
Չորեքշաբթի, 28 օգոստոսի, 2024 թ., 12:42

«Հոկտեմբերի 27»-ի գործով ցմահ դատապարտված Աշոտ Կնյազյանի մահվան դեպքի առթիվ նախաձեռնվել է քրեական վարույթ: Այդ մասին «Լուրերի» հարցին ի պատասխան ասել է Քննչական կոմիտեի նախագահի քարտուղար Գոռ Աբրահամյանը:

Ըստ նրա՝ դատապարտյալի մահվան վերաբերյալ ստացվել է հաղորդում, նախնական տվյալներով՝ որպես հանկարծամահություն, ՀՀ քրեական օրենսգրքի 155-րդ հոդվածի 1-ին մասով (սպանություն) նախաձեռնվել է քրեական վարույթ։ Կատարվել է դեպքի վայրի զննություն։ Աբրահամյանի խոսքով՝ դիակի արտաքին զննությամբ մարմնի վրա բռնության հետքեր չեն հայտնաբերվել։

Վարույթի շրջանակում հարցաքննվել են մի շարք անձինք։ Թե որն է եղել Կնյազյանի մահվան պատճառը, դեռ պարզ չէ, հայտնի կլինի դիակի դատաբժշկական փորձաքննության եզրակացությունը ստանալուց հետո:

Հիշեցնենք՝ ցմահ դատապարտված 64-ամյա Աշոտ Կնյազյանը մահացել է օգոստոսի 26-ին: