Եմենի հութիներն անսպասելիորեն հայտարարել են հրադադարի մասին

Եմենի հութիները՝ ապստամբ «Անսար Ալլահ» շարժումից, համաձայնել են ժամանակավոր հրադադարի՝ Կարմիր ծովում հարձակման ենթարկված և խոցված Sounion տանկերը քարշ տալու համար։

Այս մասին ասվում է ՄԱԿ-ում Իրանի առաքելության հայտարարության մեջ։

«Պաղեստինին աջակցելու և սիոնիստներին վառելիքի փոխանցումը կանխելու իր քաղաքականությանը համապատասխան՝ «Անսար Ալլահը» հայտարարել է, որ կշարունակի հարձակումները Կարմիր ծովում իսրայելական ռեժիմի ուղղությամբ ընթացող նավթատար նավերի վրա, քանի դեռ Գազայում պատերազմը շարունակվում է,- ասվում է հայտարարության մեջ։ - Այն բանից հետո, երբ հրդեհ բռնկվեց նավթի տանկերի վրա, որը նավթ էր տեղափոխում ռեժիմի համար, դրա հետևանքով առաջացած բնապահպանական վտանգը հաշվի առնելով, մի քանի երկրներ խնդրեցին «Անսար Ալլահին»՝ ժամանակավոր զինադադար տրամադրել, որպեսզի բեռնակիր նավերը և փրկարարները մուտք գործեն միջադեպի տարածք: Մարդասիրական և բնապահպանական նկատառումներով Անսար Ալլահը համաձայնել է այս խնդրանքին»:

Իրանի դիվանագիտական ​​առաքելությունը նաև նշել է, որ «օգնություն չտրամադրելը և Կարմիր ծովում նավթի արտահոսքը կանխելը պայմանավորված է որոշ երկրների անփութությամբ, այլ ոչ թե հարձակման հավանականության մտավախությամբ»: