«Հարգելի՛ ծնողներ, մի թողեք, որ ձեր երեխաները տարվեն իրենց տարիքին ոչ համապատասխան թեմաներով»․ Սամվել Հայրապետյան

Ծրագրավորող, կիբերանվտանգության մասնագետ Սամվել Հայրապետյանի ֆեյսբուքյան գրառումը․ «Facebook և այլ սոցիալական կայքերով Արցախցի աղջիկ երեխայի տեսանյութ է տարածվում, որտեղ երեխան խոսում է տարատեսակ թեմաներից։
Էական չէ թե էդ երեխան ինչ է խոսում, նա երեխա է, ես իհարկե շատ եմ ցավում, որ էդ երեխան նմանատիպ անախորժ իրավիճակի մեջ է հայտնվել ու մի գուցե ծնողների իմացությամբ, սական եղածը եղած է։
Երեխային քարկոծելով «ունքը դզելու փոխարեն աչքն էլ կհանեք»։ Ես իհարկե հասկանում եմ, որ մեր հասարակության զգալի մասը տառապում է սեփական աչքի մեջ եղած գերանը չտեսնելով ուրիշների աչքի չոփը ցույց տալով, սակայն հաշվի առնելով երեխայի տարիքն ու խոցելիությունը, եկեք էս մի թեման շրջանցենք, ոչինչ, մի քայի լայք ու դիտում էլ քիչ ստացեք, բայց երեխայի հոգեկան ներաշխարհը մի խառնեք իրար:
Հարգելի ծնողներ, ուշադիր եղեք ձեր երեխաներին ու մի թողեք, որպեսզի տարվեն իրենց տարիքին ոչ համապատասխան թեմաներով և գործողություններով, աշխատեք իրենց օրը լցնել այնքան՝ որպեսզի նրանք ժամանակ անգամ չունենան մտածելու սոցիալական կայքերի և նմանատիպ թեմաների մասին»։